ona
صاحب الحضور الدائم
الابراج :  عدد الرسائل : 408
العمر : 42
تاريخ التسجيل : 16/05/2008
 | موضوع: رباعيات صلاح چاهين  الأحد 25 يناير 2009 - 2:29 | |
| خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
| |
|
محمداحمدداود
نوبـــــــــــــــى صميـــــــــم
الابراج :  عدد الرسائل : 372
العمر : 43
المزاج : مشاهدة مباريات الأهلى والميلان والمان يونايتد
رقم العضوية : 101
تاريخ التسجيل : 14/05/2008
| | موضوع: رد: رباعيات صلاح چاهين الأحد 25 يناير 2009 - 8:46 | |
| الغالى أونا
إبداعاتك
مريت عليهم .. قلت يا للعجب
لو ما طليت عليها كنت
أندم علي الفرص اللي انا سبتهم
ولكن
صبرت ياما و اللي يصبر ينول | |
|
