قنوات التليفزيون دخلت فى بعضها

شوفوا قنوات التليفزيون وهي داخله في بعضها هتكون ازاي

سيداتى سادتى

اهلا بكم فى اليوم المفتوح

الحقيقه النهارده الارسال تعطل كتير

واحتمال كبير القنوات تدخل فى بعضها

فا..... خلوا بالكوا

كل واحد يظبطت القنوات كويس جدا جدا

علشان تعرفوا تتفرجوا على فقراتنا النهارده

واولا مع نشرة الاخبار ..

النشره : سيداتى سادتى نقدم لكم نشرة الاخبار

وفى نشرتنا ........ ...... علبتين زبادى وكيلو لبن وخمس خيارات

وتروحى جايبه ....خمس لاعبين فى خط الدهر

و3 فى خد النص و 2 فى الهجوم

وبيحكم مباراة النهارده الكابتن مش فاكر

اللى نزل ارض الملعب وقدامه ..............

عين البوتاجاز وتحطى عليها حلة وتروحى سايباها

................ فى المغاره ههههه وبعدين يا عمو

وبعدين يا حبيايبى راح على بابا وسمسمه داخلين وهناك بقى ايه لقو

لقوا .................اللاعيب الكبير اوى وماشى بالكوره وهايعدى منه يا خساره اتخدت منه ووصلت

لل..........الفيل الكبير هههههه اللى راح ضارب الاشكيف وامنا الغوله

وحطهم جوه ........الكنافه المحشيه بالزبيب وجوز الهند

وبعد كده تحطي الشربات على...... شيكابالا اللى ماشى بالكوره

وهايشوط ياخساره .............. باظت البصاره انا قلتلك ياستى ما تحطيش

ملح كتير على الاكل عشان ما يعملش ...........

زلازل وبراكين فى جنوب شرق آسيا مما ادى إلى .........هجوم سلاحف النينجا على شريدر

ههههههههه ...........وهدف اكيد يضيع منه ويشوط عصام الحضرى الكوره

ويوصلها ل............ حلة الشوربه وتحطى فيها حتت الخيار والكوسه

بعد ما تسلقيها كويس وتروحى حطالها على ..........

مائدة المفاوضات حيث هاجم سياسى كبير المجتمع الدولى ووصف ما يحدث بانه ............

كوسه وقبل ما تسويها لازم تحطيها .............

فى الجووووووووون يا واد يا لاعيب دى ما يحطهاش غير

صاحب الراس الذهبيه اللى بيفكرنا .......... بقرع العسل وتحطى عا البوتاجاز

.............. كابتن ماجد اللى خد بسام وراحوا يلعبوا ........... فى الفرن

لمدة خمس دقايق و32 ثانيه وبعدها تجيبى حله كبيره اوى اوى

وتخطى فيها ... ........ الكورة معاه وبيرقص وبيدخل منطقة الجزاء

وقع ودخل رجال الاسعاف وشالوه فى ........... كنكه

وبعد ما تقدمى الشاى لضيوفك تقوليلهم بابتسامه رقيقه ..........

بره يااااااااه يا واد يا لاعيب يخطف الكوره من ..........

ام على وبعد ما تحطى عليها الشربات تروحى مديه لجوزك .......

وزى ما احنا شايفين جماهير الدرجه التالته .......

اتحرقت فى البوتاجاز يا خساره يا خساره لكن ماتزعليش تقدرى تقدميها

.............. للجول يا واد يا لاعيب

أبو تريكة بيعمل عمايل النهارده رقص خمسه

وشاط الكوره قنبله ....... فى بيت الأشباح

ههههههه ولما باسم شاف العفريت قام جرى بسرعه وراح داخل

............ الشوربه مفيدة جدا.............ودا يصح يا عمو .لا يا حبيبى طبعا دى عاده سيئه جدا كان زمان بيعملها..........

الحكم واللاعبيه اللى شرفونا النهارده ....... دى حله كبيره اوى.......بالهنا والشفا.....وياريت الطبخة تكون عجبتكم وإلى....... هنا تنتهى نشرة الاخبار .." والسلام عليكم ورحمة الله وبركاته "

رائع موضوعك حمو
وياريت تبعتلى شفرة القناوات دى
ههههههههههههههههههههه
مشكور على موضوعك

أحمد هاشم
أشكرك على مرورك
شفرة القنوات ( #*00FQA#*DSR#*GKT#)
مع أطيب الأمنيات

هههههههههههههههههههه
ربنا يفك الشوشره اللى حاصله دى

الوعــــــــد
شكرا على المرور
مع أطيب الأمنيات

هههههههههه هههههههههههه
جميل جدا كوكتيل القنوات ونريد المزيد
أشكرك يا (كــاملـلـو ) على موضوعك الرائع

شكرا ( أحمد عبد العزيز )على المرور الطيب
مع أطيب الأمنيات

ههههههههههههههههههه
موضوع جميل

هههههههههههههههههههه
موضوع رائع جداا

هههههههههههههه
جميله يا حمو
عايزين المزيد

شيكولاتة
حبيبى فينك .. شكرا يا لون على المرور

بيبو
شكرا على مرورك الطيب

السنيورة الكنزية
سنيورتنا الغالية سنيورة المنتدى
شكرا على مرورك الكريم

كامللو
القناه مش شغاله عندي

يا ريت حبيبى تبعت لي التردد

حمادة شريف
شكرا على مرورك الكريم

دى مش قناة دى مجموعة قنوات
والحمد لله الخلل راح وكل قناة بقت
مستقلة بذاتها