مجرد خواطر

أية اللي بيحصل دا *** كل واحد بيفكر في نفسه و بس

من أمتى كنا كده *** الله و أعلم بقي

كانوا زمان بيحسوا ببعض *** و النهاردة مش بيسألوا حتى علي بعض

كانوا زمان كالجسد الواحد *** و اليوم كله غريب في بلد واحد

كانوا زمان لو واحد عيان *** الكل حزين وعليه سهران

سبحان مغير الحال لحال **** بعد الترابط بقى شبه إنحلال

بالأمس كان الكلام للكبار *** بس النهاردة الرأي للصغار

أية اللي بيحصل دا *** أية اللي بقينا فيه دا

مكنش حد يفرح و أخوة بيتألم *** من حزنه لمصيبه و مش قادر يتكلم

بقينا في زمن كله عايش لنفسه *** و نسي أخواته و عشيرته و أهله

بقينا بنفرح و نسهر و نضحك *** و ناسنا و أهلينا من الألم بتصرخ

كان أجدادنا زمان بيقولوا عيب *** و اللي بيحصل النهاردة معرفش العيب

ترقص و تغنى حتى الصباح *** و جارك بيكي علي حد راح

يبقي بيتك قدام بيته *** و تبقى مش حاسس حتى بمصيبته

عنده عزا و عمال يبكى *** و انت لفرحك عمال بتجرى

خلاص مات فينا الأحساس *** و ما بقينا نفتكر حتي أعز الناس

شاب صغير مات اليوم *** و أنت فرحك فى نفس اليوم

تبقى مراته قاعدة فى عدتها *** و انها مراتك بترقص ويا فرقتها

زمان محدش كان يقدر يزغرط *** و في بلد تانية ناس بتصوت

و كانت قلوبهم صافية لبعض *** و يسمعوا و يسحوا ببعض

بس النهاردة بقي الاخوات *** مش بيفتكروا حتى اللي مات

حتى و لو كان شخص عزيز *** يا عم فكك و خليك لذيذ

يا شباب اليوم و كبار الغد *** لازم تفكروا و تحسوا ببعض

و فى النهاية آآآآآآه يا بلد *** هل مات ولادك الأحساس و الشعور ؟؟؟

أخواني و أخواتي و عشيرتى أبناء ( ميعام الخير ) هذه ليست قصيدة و لست أنا بشاعر

لكن مجرد خواطر من الذي يحدث عن نسيان ناسنا و أهلينا ...

أخشي أن أكون أطلت عليكم

و في إنتظار ردودكم ....

بسم الله الرحمن الرحيم

أحييك علي كلماتك البسيطه التي تجسد لنا فعلا ما يحدث لنا ولمن نعرفهم.....

الكل يقول انه الجري وراء لقمة العيش.....

تحياتي ليك حماده....................

الأ خ الغالى / حمادة شريف

والله ما قصرت ولا أطلت علينا

بل طليت علينا بخواطر فيها من روعة المعانى ما تستحق التحية عليها

زيدنا ولا تقل أطلت عليكم

خالص التقدير

الله ينور يا حمادة يا ريت الناس كلها تقراء الخواطر ويرجع الزمن الجميل زمن جدى وجدك

تحياتى
عاشق وردى ابن عنيبة

الأخ العزيز / كمبوشي

حبيبى الغالى / محمد أحمد داود

الأخ الشقيق / ( عاشق وردي )

أكيد يعرف هذا الأسم من هو يعرف إسلام عبد العزيز حسن

و أمسحوا لي أن أرحب بالعضو الجديد ( أسلام عبد العزيز )

الاخ العزيز / حمادة شريف

والله الموضوع فوق رائع وفعلا دلوقتى الناس مش بتقدر بعض ولا بتشيل خاطر بعض

معرفش دا من ايه وسببه ايه الصغيرين هما الى بياثره على الكبار ولا الكبار الى مبقتش عارفة الاصول

والدنيا مش هتقف يعنى لو فرحى متعملش بفرقة ولا مزغرطش عاما الفرح بيبان كفاية انه الواحد يشوفه فى

عيون الى حواليه ومعلش لو اطلت بس الموضوع فعلا مستفذ وعايزة اكتب اكتر

بنت عنيبـــــــــــــــــــــــــــــــــــــه

فعلا" يا أختى إن عدم إحترام و تقدير مشاعر الأخرين شيء مستفز
ولكن ....
أسمحوا لي أن نتطرق ذلك الموضوع في مناقشة موضوعية و نتعرف علي أبعاد و أسباب تلك الظاهرة التي بدءت في الأنتشار ؟