واحد ماشى مع خطيبته اخر انسجام قالها عارفة ايه هو الحب وايه هو الجواز؟قالتله لأ قالها الحب زى النجوم الجميلة اللى فى السما .قالتله طب والجواز؟ قالها الحفرة اللى بنقع عليها واحنا بنبص على النجوم.
واحد قاعد فى البيت بيبص على عقد الجواز وبيقلب فيه مراته سألته بتبص فى عقد الجواز كده ليه؟ قالها والله حبيبتى مش عارف المأذون كتب تاريخ انتهاء العقد فين؟
واحد نشر فى اعلانات مبوبة عايز زوجة.تانى يوم جاله 100 رسالة بنفس الرد تاخد بتاعتى؟
واحد قاعد فى امان الله فى بيته بيقرا الجرنال وفجأة مراته جت ضربته بغطا الحلة قالها فى ايه يا ست انتى اتجننتى؟قالتله ايه الورقة اللى فى جيب بدلتك مكتوب فيها سوسو؟قالها يا بنت الحلال دى الفرسة اللى بشجعا فى سباقات الخيول قامت صدقته واعتذرت بعد اسبوع قاعد نفس القعدة جت ضربته تانى بغطا الحلة على دماغه قالها فيه ايه تانى ؟ قالتله الفرسة ع التليفون.
واحد بيقول لمراته انا النهاردة عايز رومانسية فى البيت.مراته راحت سألت امها يعنى ايه رومانسية ردت أمها مش عارفة بس احتياطى انقعى الرز.
الأربعاء 21 مايو 2008 - 7:17
