محبــــــــــوبتى النوبــــــــــه

نسمات بسمات شموس وقمرات فيكى يا نوبه موجوده
تطلى بالوجه البشوش الضحاك تصفى النفس المسدوده
اراضى الخير لناس اصلاء تطرح ببركه ممدوده
سمار لون ولادك دهب شرف وامانه معهوده
جنوب وادينا بيكى نوّر معشوقه دايما ومريوده
يلملم العالم ايديه من ايدينا وايديك للخلايق مفروده
ديار اهلك بالجود عمار زوارك بيتمنوها دى العوده
ياست الحسن ياساحره القلب غنوه حلوه انت وانشوده
تاريخ مجيد جديد وقديم عاليه هامتك ومشدوده
مكانتك واضحه جليه ما بتتهز بجميع اللغات مسروده
حكاوى النيل عنك جميله سيرتك فى جريانه محموده
مين يعاديكى ياسمحه طيبه عداوته عليه مردوده
بكرم منك يخسر عدوك ويتعدل المايل عوده
يصعب على الخاين يخونك ومعاكى يحفظ عهوده
لاشبالك يانوبه انت حدوته اولها من الجدود الاسوده